Iparretarrak
Erakunde politiko armatu baten historia
 IDAZLEA

Eneko Bidegain
ORRIALDEAK

320
PREZIOA

17 euro
ISBN

2-913842-46-1
Pour acheter ce livre cliquez sur le bouton en bas de page.
Liburua

Iparretarrak erakunde armatua 1973an agertu zen lehen aldiz, eta azken ekintza 2000ko udazkenean burutu zuen. Zauriturik eragiten ez zuten atentatu andana baten egilea izateaz aparte, gogoeta politiko bat ekarri zuen taldea zen.
Ipar Euskal Herriko abertzaletasuna lehenago sortu bazen ere, konzientzia baten iratzartzea eragin zuen. Euskal Herriaren arazoa ez dela Bidasoaren hegoaldera mugatzen erakutsi zuen IK erakundeak. Ipar Euskal Herrian euskaltasunaren egoera arras larria zela salatuz, han ere borrokatzeko beharra aldarrikatu zuen.
Hamarkada luzeetan burua apal egon ziren euskaldunen artetik andana batek burua altxatu zuen. Ipar Euskal Herriak jasaten zuen odol hustea, frantsestea eta etorkizun ekonomiko iluna ez zirela fatalitate bat erakustera eman zuen IKk. Mugimendu zabal baten barnean kokatzen zuen bere burua, eta ez mugimenduaren gidari.
Liburu hau, IK egin zuten militante anitzen lekukotasunekin osatua da, besteak beste Filipe Bidart, Gabi Mouesca eta Ttotte Etxebeste, baita erakunde horren inguru hurbila eta urruna osatzen zuten jendeekin.
Idazlea

Eneko Bidegain (Baiona, 1975) kazetaria eta idazlea da. Gaur egun Berria egunkarian ari da lanean. Ekaitza astekarian kolaboratu zuen, eta 1999an hasi zen lanean Euskaldunon Egunkarian. Euskal esaeren bilduma bat egin zuen 2001ean eta, horrez gain, bi eleberri idatziak ditu : Anbroxio (2002) eta Mahatsaren begia (2005).
 
 
IGO 
© 2005